Join Our Telegram Channel

संबोधी अकादमी, महाराष्ट्र संचलित तसेच महात्मा ज्योतिबा फुले संशोधन व प्रशिक्षण संस्था, नागपूर आणि डॉ. बाबासाहेब आंबेडकर संशोधन व प्रशिक्षण संस्था, पुणे मान्यता प्राप्त संबोधी स्पर्धा परीक्षा प्रशिक्षण केंद्र, औरंगाबाद येथे संस्थेचे अध्यक्ष तथा कार्यकारी संचालक समाजभूषण मा. भीमराव हत्तीअंबीरे सर यांच्या अध्यक्षतेखाली महाज्योति पोलीस भरती परीक्षा पूर्व प्रशिक्षण च्या प्रशिक्षणार्थींना आज दि.24 फेब्रुवारी 2023 रोजी माननीय राजेशजी खवले साहेब (व्यवस्थापकीय संचालक महात्मा ज्योतिबा फुले संशोधन व प्रशिक्षण संस्था नागपूर ) यांच्या हस्ते पुस्तकांचे वितरण करण्यात आलेकार्यक्रमाची सुरुवात क्रांतीसुर्य महात्मा ज्योतिबा फुले, विश्वरत्न भारतरत्न डॉक्टर बाबासाहेब आंबेडकर आणि भारतातील आद्य शिक्षिका माता सावित्री यांच्या प्रतिमा पूजनाने करण्यात आली. यानंतर विचार मंचावर उपस्थित प्रमुख अतिथींच तथागत भगवान गौतम बुद्धांची मूर्ती, शाल, व पुष्पहार देऊन आदरातिथ्य व स्वागत करण्यात आले.कार्यक्रमाचे प्रास्ताविक संबोधी स्पर्धा परीक्षा प्रशिक्षण केंद्राचे संचालक आदरणीय समाजभूषण माननीय भीमराव हत्तीअंबीरे यांनी केले

कार्यक्रमाचे प्रास्ताविक संबोधी स्पर्धा परीक्षा प्रशिक्षण केंद्राचे संचालक आदरणीय समाजभूषण माननीय भीमराव हत्तीअंबीरे यांनी केले.आपल्या प्रास्ताविका ते म्हणाले की मी ज्या पद्धतीने हे प्रशिक्षण केंद्र उभारण्याकरिता कष्ट सोसले. त्याचे प्रतिफळ म्हणून माझ्या प्रशिक्षण केंद्रातले जास्तीत जास्त प्रशिक्षणार्थी शासकीय सेवेत रुजू होऊन, समाजाचा देखील एक प्रगतिशील भाग व्हावा अशी अपेक्षा त्यांनी या निमित्ताने व्यक्त केली.

विद्यार्थ्यांना संबोधित करण्यासाठी प्रमुख अतिथी म्हणून लाभलेले माननीय राजेश जी खवले साहेब (व्यवस्थापकीय संचालक महात्मा ज्योतिबा फुले संशोधन व प्रशिक्षण संस्था नागपूर) यांनी विद्यार्थ्यांना आपल्या भाषणातून मार्गदर्शन केले.एकंदरीत स्पर्धा परीक्षेचा अभ्यास कसा करावा? अभ्यासाचे नियोजन कसे करावे, स्वप्न कोणते बघावे कसे बघावे व ते पूर्ण करण्यासाठी कशा प्रकारे झपाटून उठावे, या यशोमय मूल्यांची महत्तम प्रतिमा त्यांनी प्रशिक्षणार्थ्यांच्या मनात बिंबवली. स्पर्धा परीक्षेचा अवघड पूल ओलांडण्याकरता त्यांनी आत्मविश्वास,इच्छाशक्ती, क्रियाशीलता, ही त्रिसूत्री वापरण्याचे आवाहन केले. कितीही अपयश आले तरी ते पचवण्याची सहनशीलता देखील आपल्या मनात असायला हवी असे ते म्हणाले.

विचार मंचावर अतिथी म्हणून लाभलेले मा. कुणाल शिरसाठ साहेब (प्रकल्प अधिकारी महात्मा ज्योतिबा फुले संशोधन व प्रशिक्षण संस्था नागपूर ) यांनी प्रशिक्षणार्थ्यांशी संवाद साधला.

महाज्योती पोलीस भरती पूर्व प्रशिक्षण प्रशिक्षणार्थींचा पुस्तक वाटप कार्यक्रमातिल क्षणचित्र

पोलीस भरती पूर्व प्रशिक्षणाचे प्रशिक्षणार्थी पल्लवी चिलगर यांनी विचार मंचावर आपले मनोगत व्यक्त केले.

माननीय राजेशजी खवले साहेब (व्यवस्थापकीय संचालक महात्मा ज्योतिबा फुले संशोधन व प्रशिक्षण संस्था नागपूर) आणि मा. कुणाल शिरसाठ साहेब (प्रकल्प अधिकारी महात्मा ज्योतिबा फुले संशोधन व प्रशिक्षण संस्था नागपूर )